Katugampola Coop Logo

මිලදී ගැණුම් ප්‍රතිලාභ සාමාජික සුබසාධන
සංශෝධිත නව ව්‍යවස්ථාව.

  1. සාමාජිකත්වයට සුදුසුකම්
    1. සීමාසහිත කටුගම්පල විවිධ සේවා සමූපකාර සමිතියේ සාමාජිකත්වය හිමි අවුරුදු 60 නොඉක්මවූ හොද සෞඛ්‍ය සම්පන්නව සිටින ඕනෑම සාමාජිකයෙකුට මිලදී ගැණුම් ප්‍රතිලාභ සාමාජික සුභසාධන අංශයේ සාමාජික විය හැකිය.
    2. සමිතියේ කාරක සභාව, මහා සභාව නියෝජනය කරන නියෝජිත මහත්ම/ මහත්මීන් හට උපරිම වයස් සීමාව බලපානු නොලැබේ.
  2. සාමාජික වීම
    1. සීමාසහිත කටුගම්පල විවිද සේවා සමුපකාර සමිතියේ සාමාජිකත්වය හිමි ප්‍රදේශිකයකට රු. 2,500/- ක මුදලක් එකවර හෝ මාස 05 කදී ලබාදී මිලදී ගැණුම් සුභසාධන රිසිට්පතක් ලබා ගැනීමෙන් සාමාජික විය හැකිය.
    2. සමිතියේ කාරක සභාව, මහා සභාව නියෝජනය කරන නියෝජිත මහත්ම/ මහත්මීන් හට සාමාජික කොටස් මුදල (රු. 2,500) ගෙවීමකින් තොරව නොමිලේ සුභසාධන සාමාජිකත්වය ලබා ගත හැකිය. (අදාළ අයදුම්පත්‍රය පුරවා සමිතියේ ලේඛම් විසින් නියෝජිකත්වය තහවුරු කිරීමෙන් පසු සුභසාධන අංශයට සාමාජික විය හැකිය.)
  3. සාමාජිකත්වය අහෝසි වීම
    1. සමිතියේ සාමාජිකත්යව අහෝසි වීම
    2. සෑම මාසයකම සමිති බල ප්‍රදේශයේ සමුපකාර ප්‍රදේශිකයකින් , කෝප් සිටියකින්, තොග ගබඩාවකින් රු. 3,000/- කට වැඩියෙන් වසර 02 ක් වෙළද බඩු ලබාගෙන නොතිබීම.
    3. සුභසාධක ණය ලබාගෙන නොගෙවා තිබීම.
    4. අසත්‍ය තොරතුරු ඉදිරිපත් කර ප්‍රතිලාභ ලබා ගැනීමට උත්සහ කළ අවස්ථාවකදී
  4. අහෝසි වූ සාමාජිකත්වය නැවත යාවත්කාලින කර ගැනීම
    1. ප්‍රතිලාභ ලබාගැනීමෙන් පසුව ව්‍යස්තනුකුලව වෙළද බඩු මිලදී නොගෙන අක්‍රිය වී ඇතිනම් ඔහු අලුතින් සුබසාධන අංශයේ සාමාජික විය යුතුය.
    2. සුභසාධන ප්‍රතිලාභ ලබා නොගෙන වෙළද බඩු නොගැනීම නිසා අහෝසි වුවහොත් රු. 1,000/- මුදලක් ගෙවා නැවත සාමාජිකත්වය අලුත් කර ගත හැකිය.
  5. ප්‍රතිලාභ ලබා ගැනීමට සුදුසුකම්
    1. සුබසාධන සාමාජිකයකු වීම
    2. සමිතියේ ප්‍රදේශික, කෝප්සිටි, තොග ගබඩා මගින් සෑම මසකම රු. 3,000/- කට නොඅඩු භාණ්ඩ ලබාගෙන තිබීම.
    3. සමිති බල ප්‍රදේශය තුල සිදුවන අවමංගල්‍ය කටයුත්තකදී අදාල අවමංගල්‍ය කට්ටලය සී/ස කටුගම්පල විවිධ සේවා සමුපාකාර සමිතියේ අවමංගල අංශයෙන් අනිවාර්යයෙන්ම මිලදී ගෙන තිබිය යුතුය.
    4. සුභසාධන ණය ලබාගෙන නියමිත පරිදි ගෙවා තිබිය යුතුය.
    5. සුබසාධන අංශයේ සාමජිකත්යව ලබාගෙන මාස 06 ඉක්මවා තිබිය යුතුය.
  6. ප්‍රතිලාභ ලබා දීම.
    1. සාමාජිකයා මිය ගිය විට රුපියල් පහළොස් දහසක් (රු. 15,000/-)
    2. සාමාජිකයාගේ කලත්‍රයා මියගිය විට රුපියල් පහළොස් දහසක් (රු. 15,000/-)
    3. සාමාජිකයාගේ මව හෝ පියා මිය ගිය විට රුපියල් දස දහසක් (රු. 10,000/-) (එකම පවුලේ කිහිපදෙනෙකු සාමාජික වී ඇතිනම් අධ්‍යක්ෂක මණ්ඩලයේ හා කාරක සභාවේ අනුමැතිය පරිදි එක් සාමාජික දරුවෙකුට පමණක් ප්‍රතිලාභ ගෙවනු ලැබේ.)
    4. සාමාජිකයාගෙන් යැපෙන සාමාජිකයා සමග ජිවත්වන සාමාජිකයාගේ කලත්‍රයාගේ මව හෝ පියා හෝ සාමාජිකයාගේ අවිවාහක සහෝදර/ සහෝදරියක මිය ගිය විට රුපියල් දස දහසක් (රු. 10,000/-)
    5. සාමාජිකයා සමග ජීවත්වන සාමාජිකයාගෙන් යැපෙන අවුරුදු එකට (01) වැඩි අවිවාහක දරුවකු මියගිය විට රුපියල් දස දහසක් (රු. 10,000/-)
    6. සාමාජිකයාගේ මාසය ඉක්මවූ අවුරුදු 01 අඩු දරුවකු මියගිය විට රුපියල් පන් දහසක් (රු. 5,000/-)
    7. අවමංගල්‍යධාර ලබා ගැනීමට සුදුස්සෙකු මියගිය විට අදාල ග්‍රාම නිලධාරී කොට්ඨාශයේ ග්‍රාම නිලධාරිවරයාගේ නිර්දේශය සහ ප්‍රදේශික/ කෝප්සිටි කළමනාකරුගේ නිර්දේශය සහිතව ඉල්ලීමක් කල යුතුය
    8. මෙම ඉල්ලීම සලකා බැලීමෙන් අනතුරුව අධ්‍යක්ෂක මණ්ඩලයේ ආවරණ අනුමැතියට යටත්ව නියමිත මුදල ගෙවීමට නියෝග කිරීමේ බලය සමිතියේ සභාපතිවරයාට/ උප සභාපතිවරයාට හෝ සාමාන්‍යධිකාරීවරයාට එම බල ලැබෙන්නේය.
    9. අවමංගල්‍යධාරයක් පැය 48 ක් තුල ගෙවීමට කටයුතු කල හැකිය. කෙසේ වුවද, මරණය පිළිබද නිශ්චිත නිගමනයකට එළබීමට අපහසු අවස්ථාවකදී මෙම කාල සීමාව ලබ නොපැවැත්වේ.
    10. අධ්‍යක්ෂක මණ්ඩලයේ දායකත්වය අනුමත කර වසරක් යනතුරු මරණාධාර ලබා ගත හැක්කේ එක්වරක් පමණි. එහෙත් සාමාජිකයාගේ මරණයකදී මෙය බල නොපැවැත්වේ.
    11. මරණය සිදුවී තෙමසක් ඇතුලත ප්‍රතිලාබ ලබා ගැනීමට ඉල්ලුම් කල යුතුය.
  7. ආපදා ආධාර ලබා ගැනීම
    1. සුභ සාධක සාමාජිකත්වය ලබාගත් සෑම සාමාජිකයෙකුටම ආපදා මුදල් ලබා ගැනීමට හැකිය.
    2. ආපදා මුදල් ලබා ගත හැකි වන්නේ සාමාජිකයාගේ සුවකළ නොහැකි රෝගයකදී හෝ පුර්ණ බෙලහිනතවයකට පත් කල හැකි හදිසි අනතුරකදී හෝ කල් ගත වන ශල්‍යකර්මයකදී සාමාජිකයා තවදුරටත් තම පවුල නඩත්තු කිරීම සදහා ඉපයීම් කිරීමට නොහැකි බවට පිළිගත් වෛද්‍ය සහතිකයක් ඉදිරිපත් කිරීමෙන් පසු අධ්‍යක්ෂක මණ්ඩලය සෑහීමකට පත් වන්නේ නම් පමණක් ආපදා මුදල් ලබා ගැනීමට හිමිකම් ඇත.
    3. ආපදා මුදල් වශයෙන් අධ්‍යක්ෂක මණ්ඩලයේ අනුමැතිය ඇතිව සාමාජිකයා වෙනුවෙන් රුපියල් පහළොස් දහසක් (රු.15,000)/- ලබා දිය හැකිය.
  8. අධ්‍යපනික කටයුතු සදහා ශිෂ්‍යත්ව

      9. සාමාජිකත්වය ලැබු සාමාජිකයකුගේ දරුවකු විශ්ව විද්‍යාල අධ්‍යාපනය සදහා තේරී පත් වුවහොත්, රුපියල් පන් දහසක් (රු 5,000)/- ශිෂ්‍යත්වයක් පිරිනමනු ලැබේ. (අදාල විශ්ව විද්‍යාලය මගින් ශිෂ්‍යභාවය සනාත කල යුතුය)

  9. උත්සව සහන ණය
    1. දායකයාගේ පවුලේ සාමාජිකයෙකුගේ විවාහ මංගල්‍යයක් හෝ මල්වර මංගල්‍යක් හෝ නව නිවසකට වෙවදීම වැනි අවස්ථාවලදී පමණක් මෙම ණය ලබා ගත හැකිය.
    2. මෙම ණය මුදලේ උපරිමය රුපියල් 20,000 (රු.20,000)/-
    3. සුභසාධන අංශයට දායකවූ දෙදෙනෙකුගේ ඇප මත ණය මුදල් නිකුත් කල යුතු අතර, සාමාජිකයා මෙන් ඇප වන දෙදෙනා මාසිකව රු. 3,000 බැගින් බඩු මිලදී ගෙන තිබිය යුතුය
    4. මෙම ණය මුදල මාස 12 කින් ගෙවා අවසන් කල යුතු අතර, වාර්ෂික පොලිය 12%කි
    5. නියමිත කාල සීමාව තුල ණය මුදල ගෙවීමට අපොහොසත් වුවහොත්, 2%ක දඩ පොළියක් සහිතව කල්පසු ගණයට වෙන් කර අයකර ගැනීමට කටයුතු කරනු ලැබේ.
    6. මෙම ණය මුදල ප්‍රාදේශික කළමනාකරුගේ නිර්දේශය මත ග්‍රාමීය බැංකු ණය ලබා ගැනීමේ සාමාන්‍ය කොන්දේසි යටතේ ණය ලබා ගත හැකිය.
  10. අරමුදල් සම්පාදනය කර ගැනීම
    1. සාමාජිකත්වයට ඇතුලත් කරගැනීමේදී ගෙවන සාමාජික මුදල්
    2. දෙපාර්තමේන්තු විගනණයෙන් පසු වාර්ෂික ශුද්ධ ලාභයෙන් 10%ක මුදලක් වෙන් කර ගැනීම
    3. අන්‍යාකාරයෙන් ලැබෙන හා ලබා ගන්නාවූ මුදල්
  11. සුභසාධන අංශයේ අරමුදල් ආයෝජනය හා ක්‍රියාකාරීත්වය
    1. සුභසාධන අංශයට ලැබෙන සියලුම මුදල් ඵලදායී ලෙස කලානුරුපිව ආයෝජනය කිරීමේ බලය හා වගකීම සමිතියේ අධ්‍යක්ෂක මණ්ඩලය සතු වන්නේය. එම ව්‍යස්ථාවට අනුව සුභසාධන වැඩපිළිවෙල ක්‍රියාත්මක කිරීමේදී පැන නගින කාලීන ප්‍රශ්න හා ගැටළු නිරාකරණය කිරීමේ පුර්ණ බලතල අධ්‍යක්ෂක මණ්ඩලය සතු වන්නේය.
    2. සුභසාධන අංශයේ අරමුදල් වෙනම ගිනුමක තැන්පත් කල යුතුය
    3. මේ පිළිබද සමිතියේ අධ්‍යක්ෂක මණ්ඩලයේ තීරණය අවසාන තීරණය වේ.
    4. මුදල් ගනුදෙනු කිරීමට හැක්කේ සමිතියේ අතුරු ව්‍යස්තනුකුලව බලය පවරා ඇති අයට පමණි
  12. පොදු කොන්දේසි
    1. සුභසාධන සාමාජික මුදල කිසි විටකත් ආපසු ගෙවනු නොලැබේ
    2. සාමාජික මුදල් පැවරිය හැක්කේ කලත්‍රයාට පමණි
    3. කලත්‍රයාගේ අභාවයෙන් පසුව සුබසාධන සාමාජිකත්වය අහෝසි වේ
    4. සාමාජිකයාගේ අභාවයෙන් පසුව කලත්‍රයා විසින් ලිපියකින් ඉල්ලීමක් කර සාමාජිකත්වය පවරා ගත යුතුය
    5. සාමාජිකයාට තමාගේ ඇවෑමෙන් පසුව (කලත්‍රයා නොමැති නම්) ප්‍රතිලාභ ගෙවිය යුත්තේ කවරෙකුටද යන්න තම ඉල්ලුම් පත්‍රයේ නියමිත ස්ථානයේ සදහන් කල යුතුය
    6. සාමාජිකයා මාසිකව රුපියක් 3,000/- ඉක්මවා පාරිභෝගික භාණ්ඩ ගැණුම් නොකර ඇති අවස්ථාවල හදුන්වා දී ඇති ප්‍රතිලාබ ගෙවීමේදී නියමිත ගැණුම් සම්පුර්ණ නොකර ඇති මාස අනුව අදාළ මුදලින් මසකට 10% ක් අඩුකර ඉතිරි මුදල ප්‍රතිපාදනයක් ලෙසට ගෙවීම් කරනු ලැබේ
    7. එක් ප්‍රතිලාබයක් ගෙවා නැවත ප්‍රතිලාභයක් ගෙවන අවස්ථාවකදී ගැණුම් සටහන් නිවැරදිව සිදුකර ඇත්දැයි බලනුයේ ප්‍රතිලාබ ගෙවූ දින සිට නැවත ප්‍රතිලාභ ගෙවන දින දක්වා මාසවල පමණි. (සාමාජික වූ දින සිට ගැණුම් සටහන් බලනු නොලැබේ)
    8. බලප්‍රදේශයේ ඕනෑම සමුපකාර ප්‍රදෙශිකයකින්/ කොප්සිටියකින්/ තොග ගබඩාවකින් බඩු මිලදී ගත හැකි අතර, කුමන ව්‍යාපාරික ස්ථානයකින් මිලදී ගනු ලැබුවත් එම ව්‍යාපාරික ස්ථානයේ කළමනාකරුගේ නිර්දේශය ගැණුම් සටහන් පොතෙහි ලකුණු කරගත යුතුය.
  13. සහනාධාර මුද්දර මත නිකුත් කරන ද්‍රව්‍ය හා පොහොර, සිමෙන්ති, ගෑස් හා ඉන්ධන මිලදී ගැණුම් හැර අනිකුත් සියලුම මිලදී ගැනුම් ඇතුලත් වේ.
  14. මිලදී ගැනුම් ප්‍රතිලාභ සාමාජික සුභසාධන අංශයේ සංශෝධිත නව කාරක නියෝග මාලාව හා අතුරු ව්‍යස්ථාව 2019.07.01 දින සිට ක්‍රියාත්මක වේ.

සීමා සහිත කටුගම්පල විවිධ සේවා සමූපකාර සමිතිය - පන්නල

ලියාපදිංචි අංකය හා දිනය: කුලි 183 - 1976/06/01

ග්‍රාම සේවක වසම් : 67

ප්‍රාදේශික ගණන : 35

0374942113 | 0372246002
ප්‍රදාන කාර්‍යාලය

0374942116
ග්‍ර්‍රාමීය බැංකු අංශය

0372246821
Fax

Email
katugampalampcs@gmail.com